Առաքման պայմաններ

Ծառայություններ

«ՄիԱրմենիա»-ում անհրաժեշտ տեխնիկան կարող եք պատվիրել առցանց, հեռախոսով կամ մեր վաճառասրահներից որևէ մեկում։ Առաքումն իրականացնում ենք Հայաստանի Հանրապետության ամբողջ տարածքում։

Պատվիրելու և լրացուցիչ տեղեկություններ ստանալու համար զանգահարեք +374 99 942 664 հեռախոսահամարով։

Առաքման և վերադարձի պայմաններ

Առաքման ժամկետներն ու սակագները

Առաքման ժամկետները հաշվարկվում են մեր կողմից պատվերը հաստատելու պահից։ Մինչև պատվերի վերջնական ձևակերպումը Ձեզ ներկայացվում են ապրանքի առկայության, առաքման պայմանների և վճարման ենթակա ընդհանուր գումարի մասին տեղեկությունները։

Երևանում առաքումն իրականացվում է մեր գործընկեր Yandex-ի միջոցով։ Առաքման վճարը, եթե կիրառելի է, ներառվում է պատվերի ընդհանուր հաշվարկում և ներկայացվում է մինչև պատվերի հաստատումը։

Պատվերի ստացում վաճառասրահից

Պատվերը կարող եք ստանալ Ձեր ընտրած «ՄիԱրմենիա» վաճառասրահից։ Մենք այն անվճար տեղափոխում ենք ընտրված մասնաճյուղ և տեղեկացնում, երբ պատվերը պատրաստ է ստացման։

Պատվերի ընդունում

Պատվերն ընդունելիս խնդրում ենք ստուգել փաթեթավորման վիճակը, ապրանքի համապատասխանությունը պատվերին և համալրվածությունը։ Վնասվածքի կամ անհամապատասխանության դեպքում տեղեկացրեք առաքիչին և կապվեք մեզ հետ։ Պատվերի ընդունումը չի սահմանափակում հետագայում հայտնաբերված թերությունների վերաբերյալ Ձեր օրինական պահանջները։
 

Պատվերից հրաժարում և ապրանքի վերադարձ

Առցանց կամ հեռախոսով կնքված առուվաճառքի պայմանագրից կարող եք հրաժարվել առանց պատճառաբանության՝ ապրանքը փաստացի ստանալուց հետո 14 օրվա ընթացքում, բացառությամբ օրենքով սահմանված դեպքերի։ Մեկ պատվերի ապրանքներն առանձին առաքվելու դեպքում ժամկետը հաշվարկվում է վերջին ապրանքը ստանալուց։

Հրաժարման մասին մինչև նշված ժամկետի ավարտը կարող եք տեղեկացնել՝ զանգահարելով +374 99 942 664 հեռախոսահամարով կամ գրավոր դիմելով մեր վաճառասրահներից որևէ մեկում։ Նշեք պատվերի համարը կամ այն նույնականացնելու համար անհրաժեշտ տվյալները։

Եթե մենք չենք ստանձնել ապրանքը հետ վերցնելու պարտավորությունը, այն վերադարձնելու կամ մեզ հանձնելու համար ունեք ևս 14 օր՝ հրաժարման մասին մեզ տեղեկացնելու օրվանից։ Վերադարձի կազմակերպման համար կապվեք մեզ հետ վերոնշյալ հեռախոսահամարով։

Վերադարձի ծախսերը

Երբ հրաժարումը պայմանավորված չէ ապրանքի թերությամբ, պատվերին անհամապատասխանությամբ կամ մեր պարտավորությունների խախտմամբ, ապրանքի հետ տեղափոխման փաստացի ծախսը կրում է գնորդը՝ պայմանով, որ մինչև պայմանագրի կնքումը տեղեկացվել է հրաժարվելու իրավունքի և վերադարձի ծախսերը կրելու մասին։

Եթե հետ տեղափոխումը կազմակերպում ենք մենք, հատուցման առավելագույն չափերն են՝

Եթե փաստացի ծախսն ավելի փոքր է, հատուցվում է միայն այդ ծախսը։ Այս կանոնը կիրառվում է նաև առաքման պահին պատշաճ որակի և պատվերին համապատասխանող ապրանքն ընդունելուց հրաժարվելու դեպքում։ Եթե ապրանքը վերադարձնում եք ինքնուրույն, մեր կողմից հետ տեղափոխման վճար չի գանձվում։

Ապրանքի թերության, պատվերին անհամապատասխանության կամ մեր պարտավորությունների խախտման պատճառով վերադարձի դեպքում հետ տեղափոխման ծախսը կրում ենք մենք։ Պատվերից հրաժարվելու համար առանձին տուգանք չի կիրառվում։

Գումարի վերադարձ

Հեռակա պայմանագրից օրենքով նախատեսված հրաժարման դեպքում ստացված վճարները, ներառյալ ստանդարտ առաքման վճարը, վերադարձնում ենք Ձեր որոշման մասին տեղեկանալուց հետո՝ 14 օրվա ընթացքում։

Եթե մենք չենք պարտավորվել անձամբ վերցնել ապրանքը, կարող ենք գումարի վերադարձը հետաձգել մինչև ապրանքը կամ այն հետ ուղարկելը հաստատող ապացույցը ստանալը՝ կախված նրանից, թե որն ավելի շուտ կստանանք։

Գումարը վերադարձվում է գնման ժամանակ կիրառված վճարման եղանակով։ Ձեր համաձայնությամբ կարող է կիրառվել օրենքով թույլատրելի այլ եղանակ։
 

Պայմաններին ծանոթանալը

Պատվերը հաստատելով՝ Դուք հավաստում եք, որ մինչև դրա ձևակերպումը ծանոթացել և համաձայնել եք «Առաքման և վերադարձի պայմաններ» բաժնում ներկայացված պայմաններին, այդ թվում՝ տեղեկացվել եք պատվերից հրաժարվելու իրավունքի և ապրանքի վերադարձի ծախսերը կրելու պայմանների մասին։

Սույն պայմանները չեն սահմանափակում սպառողին Հայաստանի Հանրապետության օրենսդրությամբ վերապահված իրավունքները։

Սպասարկման կենտրոն

«ՄիԱրմենիա»-ի մասնագիտացված սպասարկման կենտրոնն իրականացնում է սմարթֆոնների և պլանշետների երաշխիքային ու հետերաշխիքային սպասարկում և վերանորոգում։

Երաշխիքային սպասարկումն իրականացվում է տվյալ ապրանքի երաշխիքային պայմաններին և Հայաստանի Հանրապետության օրենսդրությանը համապատասխան։ Վճարովի վերանորոգման ծավալը, արժեքը և ժամկետը նախապես համաձայնեցվում են Ձեզ հետ։

Հասցե՝ ք. Երևան, Հյուսիսային պողոտա 11, «ՄիԱրմենիա» խանութ-սրահի երկրորդ հարկ։

Աշխատանքային ժամեր՝ 10։00–22։00։

Հեռախոս՝ +374 99 942 664։